ކިނޮޅަހު ގޮނޑުދޮށް ހިމާޔަތް ކުރުމުގެ މަޝްރޫޢުގެ 76 ޕަސެންޓް ނިމިއްޖެ
ވާދޫ ލައިވް
8 އޮގަސްޓު 2024 01:44 ކިޔާލަން ހޭދަވާނީ: 1 މިނެޓު
ރ. ކިނޮޅަހު ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތުގެ 76 ޕަސެންޓް ނިމިފައިވާ ކަމަށް އެ މަސައްކަތުގެ ކޮންޓްރެކްޓަރު އެމްޓީސީސީން ބުނެފިއެވެ.
މިކަންހާމަކޮށް އެމްޓީސީސީން ބުނީ ކިނޮޅަހު ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތުގެ 76 ޕަސެންޓް ނިމިފައިވާ ކަމަށާއި މި މަޝްރޫގެ ދަށުން ކުރިއަށް ގެންދާ ބިންހިއްކުމާއި ފަސްގަނޑު ކޮމްޕެކްޓް ކުރުމުގެ މަސައްކަތުގެވެސް 75 ޕަސެންޓް ވަނީ މިހާރު ނިމިފައި ކަމަށެވެ.
އެމްޓީސީސީން ބުނީ ކިނޮޅަހު ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، 19,789 ކިއުބިކް މީޓަރުގެ ބިންހިއްކާނެ ކަމަށެވެ. އަދި 650 މީޓަރުގެ ޖިއޯބޭގް ރިވެޓްމެންޓް ޖެހުމުގެ މަސައްކަތް މި މަޝްރޫޢުގައި ހިމެނޭ ކަމަށް އެ ކުންފުނިން ހާމަކުރެއެވެ.
މިއީ 11.4 މިލިއަން ރުފިޔާގެ މަޝްރޫޢުއެކެވެ.
އިޝްތާރާ
ލިޔުމަށް ޚިޔާލު ހުށަހެޅުން