ރ. އަތޮޅަށް ހައްގު މިންވަރު ހޯދުމަށް ޒުވާނުންތަކެއް އިސްވެ ޖަމުޣިއްޔާއެއް އުފައްދަނީ
ވާދޫ ލައިވް
22 މާރިޗު 2024 18:12 ކިޔާލަން ހޭދަވާނީ: 1 މިނެޓު
ރ. އަތޮޅަށް ހައްގު މިންވަރު ހޯދުމަށް ޒުވާނުންތަކެއް އިސްވެ ޖަމުޣިއްޔާއެއް އުފައްދަން ނިންމައިފިއެވެ.
މިކަމުގައި އިސްކޮށް އުޅުއްވާ ރ. އަނގޮޅިތީމު ޒުވާނެއް ކަމަށްވާ އަލް އުސްތާޛް އަލީ ޖިނާޙް ވިދާޅުވީ މިމަސައްކަތް ވަރަށް ބާރަށް ކުރިއަށްދާ ކަމަށެވެ.
މިވަގުތު ކުރިއަށް ދަނީ ޓީމެއް އެކުލަވާލުމުގެ މަސައްކަތް ކަމަށާއި ވަރަށް އަވަހަށް ރަސްމީ ބައްދަލުވުމެއް ބާއްވައި ކިޔާނެ ނަމަކާއި ހިންގާ ގަވާއިދާއި އަސާސީ ގަވާއިދުގެ ޑްރާފްޓާ މެދު މަޝްވަރާކުރާނެ ކަމަށެވެ.
އޭނާ ވިދާޅުވީ އިތުރު ތަފުސީލު ހާމަކުރަމުންދާނެ ކަމަށެވެ.
ރާއްޖޭގައި ހަތަރު ވަނައަށް އެންމެ އާބާދީ ބޮޑު އަތޮޅަކަށް ހައްގު މިންވަރު ނުލިބޭ ކަމުގެ ޝަކުވާ އަތޮޅުގެ ޒުވާނުން އަބަދުވެސް ކުރެއެވެ.
އިޝްތާރާ
ލިޔުމަށް ޚިޔާލު ހުށަހެޅުން