ފުރަބަންދުގައި އޮތް ދުވާފަރުގެ ކޮންމެ ގޭބިސިއަކަށް ކައުންސިލްގެ ފަރާތުން ކަނޑުމަސް ހަދިޔާކޮށްފި

ހަފުތާއަކަށް ފުރަބަންދުގައި އޮތް ރ. ދުވާފަރުގެ ކޮންމެ ގޭބިސިއަކަށް އެ ރަށު ކައުންސިލްގެ ފަރާތުން ދެ ކަނޑުމަސް ހަދިޔާކޮށްފި އެވެ.

އެނގިފައިވާ ގޮތުގައި ގޭގެއަށް ކަނޑުމަސް ހަދިޔާކުރީ، ރ. ދުވާފަރު ކައުންސިލްގެ ބައްދަލުވުމުގައި އެ ކައުންސިލްގައި ހިމެނިވަޑައިގަންނަވާ 7 މެންބަރުންގެ އިއްތިފާގުން އެ ގޮތަށް ނިންމާފައި ވާތީއެވެ.

ހަދިޔާކޮށްފައި ވަނީ.  ކައުންސިލްގެ ބަޖެޓުން ޚަރަދުކުރާ ގޮތަށް ދުވާފަރު ރައްޔިތުންގެ މަސް ދޯނި މެދުވެރި ކޮށް މިއަދު ބޭނި ތާޒާ ކަނޑު މަސް ކަމަށް މަޢުލޫމާތު ލިބެއެވެ.

ރ. ދުވާފަރުގައި ކޯވިޑް-19 ކޮންޓްރޯޅް ކުރުމަށް  27 ޖޫން 2021 ފެށިގެން 7 ދުވަހުގެ މުއްދަތަށް 24 ގަޑިއިރުގެ ކާފިއު އިޢުލާން ކޮށް ރަށް ވަނީ ފުރަބަންދުކޮށްފައެވެ.