ފެނަކައިގެ އެހީގައި ވާދޫ ސްކޫލުގައި ނަމާދުކުރާ ކޮޓަރިއެއް އިމާރާތްކުރަނީ
ވާދޫ ލައިވް
17 ޖޫން 2021 17:38 ކިޔާލަން ހޭދަވާނީ: 2 މިނެޓު
ފެނަކަ ކޯޕަރޭޝަންގެ އެހީގައި ރ. ވާދޫ ސްކޫލުގައި ނަމާދުކުރާ ކޮޓަރިއެއް އިމާރާތްކުރުމަށް މިއަދު ބިންގާ އަޅައިފިއެވެ.
ރ. ވާދޫ ސްކޫލްގައި މިއަދު ކުރިއަށް ދިޔަ ބިންގާ އެޅުމުގެ ރަސްމިއްޔާތުގައި ރ. ވާދޫ ފެނަކަ ގޮފީގެ އިސްވެރިންނާއި، ރ. ވާދޫ ކައުންސިލްގެ ވެރިންގެ އިތުރު ވާދޫ ސްކޫލްގެ އިސްވެރިން އަދި ރަށުގެ ސިއްހީ މަރުކަޒުގެ ވެރިން ބައިވެރިވެވަޑައިތެވެ.
ރ. ވާދޫ ސްކޫލްގެ އެސްއެމްޓީގައީ ހިމެނިވަޑައިގަންނަވާ ލީޑިންގ ޓީޗަރ މުހައްމަދު ރިޔާޟް ވިދާޅުވީ، އެތައް ދުވަހެއްގެ ދިގު އިންތިޒާރަށް އަދު ނިމުން ގެނުވައިފި ކަމަށެވެ. އަދި މި ތަން އިމާރާތްކުރެވެނީ ފެނަކަ ކޯޕަރޭޝަން ލިމިޓެޑްގެ 100 އިންސައްތަ ހިއްސާއާ އެކު ކަން ފާހަގަކުރައްވައި ރިޔާޟް ވަނީ ފެނަކަ އެމްޑީ އަހުމަދު ސައީދު މުހައްމަދާއި، އަލިފުށީ ދާއިރާގެ ރައްޔިތުން މަޖިލީހުގެ އިއްޒަތްތެރި މެމްބަރ މުހައްމަދު ރަޝީދު ހުސައިން އަދި ފެނަކަ ވާދޫ ގޮފީގެ ޑެޕިޔުޓީ މެނޭޖަރ މުހައްމަދު ނިޔާޒަށް ޝުކުރު އަދާކުރައްވާފައެވެ.
މި ރަސްމިއްޔާތުގައި ބިންގާ އެޅުއްވީ، ރ. ވާދޫ ސްކޫލްގެ ޕްރިންސިޕަލް އިބްރާހިމް ނަސީމާއި ފެނަކަ ގޮފީގެ ވެރިޔާ މުހައްމަދު ނިޔާޒް އެވެ.
އިޝްތާރާ
ލިޔުމަށް ޚިޔާލު ހުށަހެޅުން