ޕޯޗުގަލްއަށް ފެށުން ގޯސް، ކޮންގޯ ބަލިނުކުރެވުނު

ފީފާ ވޯލްޑް ކަޕުގެ ގްރޫޕް ސްޓޭޖުގައި ޕޯޗުގަލްއާއި ކޮންގޯ ބައްދަލުކުރި މެޗު އެއްވަރުވެއްޖެއެވެ.

1-1އިން އެއްވަރުވެ ނިންމާލަންޖެހުނު މި މެޗުގައި އެންމެ ފުރަތަމަ ލީޑު ނެގީ ޕޯޗުގަލްއިންނެވެ. މެޗުގެ ވަރަށް ކުރީކޮޅު، ޖޮއާއޯ ނެވެސް ކާމިޔާބުކޮށްދިން މި ލަނޑާއެކު ޕޯޗުގަލްއިން މެޗު ޑޮމިނޭޓުކުރަމުން ދިޔަ ނަމަވެސް ފުރަތަމަ ހާފުގެ 45 މިނެޓު ހަމަވެ ދެއްކި އިތުރު ވަޤުތުގެ ތެރޭގައި ކޯނަރަކުން ވަނީ ކޮންގޯއިން ނަތީޖާ ހަމަހަމަކޮށްފައެވެ.

މެޗުގެ ދެވަނަ ހާފުގައި ގިނަ ވަޤުތު ޕޯޗުގަލްއިން ގިނަ ވަޤުތު ބޯޅަ ހިފަހަައްޓައިގެން ކުޅުނު ނަމަވެސް އިތުރު ލަނޑެއް ކާމިޔާބުކުރެވޭ ގޮތެއް ނުވިއެވެ. އެގޮތުން މި ނަތީޖާގައި މެޗު ނިންމާލަންޖެހުނީ ދެ ޓީމަށް ވެސް އެއް ޕޮއިންޓާއެކުގައެވެ.

ޖުމްލަކޮށް މުޅި މެޗުގައި ޕޯޗުގަލްއަށް އެ ޓީމުން އެންމެ ބޭނުންވާ ފަދަ ނަތީޖާއެއް ނެރެވޭ ފެންވަރަށް ނުކުޅެވުނުކަން ފާހަގަކުރެވެއެވެ. ނަމަވެސް ކޮންގޯއަށް މިއީ ރަނގަޅު ނަތީޖާއެކެވެ. ޕޯޗުގަލްއަށް 3 ޕޮއިންޓު ނުދީ ހިފަހައްޓާލެވުނު ހިފަހައްޓާލެވުމަކީ ކޮންގޯއަށް ރަނގަޅު ފެށުމަކަށް ވެގެންދާނެކަން ޔަޤީނެވެ.

ގިނަ ފައުލްތަކެއް ދެ ޓީމުގެ ފަރާތުން ވެސް މެޗުގައި ވަނީ ފެނިގެން ގޮސްފައެވެ.

މި ގްރޫޕުގައި ދެން ހިމެނެނީ ކޮލަމްބިއާއާއި އުޒްބަކިސްތާނެވެ.