ބެލްޖިއަމްއާއި މިޞްރު ވެސް އެއްވަރު!

ފީފާ ވޯލްޑް ކަޕުގެ "ގްރޫޕް ޖީ"ގައި ބެލްޖިއަމްއާއި މިޞްރު ބައްދަލުކުރި މެޗު ވެސް އެއްވަރުވެއްޖެއެވެ.

ލަނޑު ޖަހާނެ ގިނަ ފުރުޞަޠުތަކެއް ދެ ޓީމަށް ވެސް ލިބިގެންދިޔަ މި މެޗުގެ ފުރަތަމަ ހާފުގެ 19ވަނަ މިނެޓުގެ ތެރޭގައި މިޞްރުން ވަނީ ލީޑު ނަގައިފައެވެ. އެ ލަނޑު އެ ޓީމަށް ކާމިޔާބުކޮށްދިނީ އިމާމު އަޝޫރެވެ.

މުޅި މެޗު އެއްކޮށް ކަހަލަ ގޮތަކަށް މިޞްރުން ކުޅެމުންދިޔައީ ޑިފެންސިވް ކުޅުމެއްގައެވެ. އެހެންނަމަވެސް ކޮންމެ ކައުންޓަރ އެޓޭކެއްގައި ވެސް ބެލްޖިއަމް ކޮޅަށް ވަނީ ނުރައްކާ ކޮށްފައެވެ.

މެޗުގެ ދެވަނަ ހާފުގައި ބެލްޖިއަމްގެ ފަރާތުން ފުރަތަމަ ހާފުގައި ކުޅުނު ކުޅުމަށްވުރެ މޮޅު ކުޅުމެއް ދެއްކިއެވެ. މެޗުގެ ނަތީޖާ ހަމަހަމަވީ 66ވަނަ މިނެޓުގައި މިޞްރު ކުޅުންތެރިއެއް ފައިގައި ޖެހިފައި ބައިކޮަޅަށް ވަތް ލަނޑަކުންނެވެ.

1-1އިން މެޗު ނިމިގެންދިޔައިރު މި ގްރޫޕުގައި ދެން އޮތީ އީރާނާއި ނިއުޒިލޭންޑެވެ. މުބާރާތުގެ ގްރޫޕް ސްޓޭޖުގެ ދެވަނަ މެޗުގައި މިޞްރު ނުކުންނާނީ ނިއުޒިލޭންޑާ ދެކޮޅަށެވެ. އަދި ބެލްޖިއަމް ނުކުންނާނީ އީރާނާ ދެކޮޅަށެވެ.