ފީފާ ވޯލްޑް ކަޕް 2026 - ސްޕެއިން
ނާއިމް ޢަލީ
11 ޖޫން 2026 09:05 ކިޔާލަން ހޭދަވާނީ: 3 މިނެޓު
- ވަނަ އަހަރުގެ ފީފާ ވޯލްޑް ކަޕު ކާމިޔާބުކުރި ސްޕެއިންއަކީ ވެސް މިއަހަރުގެ މުބާރާތުގައި ވާދަވެރި ޓީމުތަކުގެ ތެރޭގައި ގުނާލެވޭ ޓީމެއް
- ސްޕެއިން ޓީމުން މިފަހަރުގެ މުބާރާތުގައި ތަޖުރިބާކާރު ކުޅުންތެރިންނަށް އިސްކަންދިނުމުގެ ބަދަލުގައި ޒުވާން ކުޅުންތެރިންނަށް އިސްކަންދީފައިވާކަން ފާހަގަކުރެވޭ
- ބާސެލޯނާގެ ގިނަ ތަރިންތަކެއް ހިމަނައިގެން ޓީމު އެކުލަވާލާފައި އޮތުމަކީ ޓީމަށް އައިސްފައިވާ ބޮޑު ބަދަލެެއް
- ސްޕެއިނުގެ ފުރަތަމަ މެޗު އޮންނާނީ ޖޫން 15ވާ ހޯމަ ދުވަހުގެރޭ (ރާއްޖެ ގަޑިން) 21:00ގައި
2010ވަނަ އަހަރުގެ ފީފާ ވޯލްޑް ކަޕު ކާމިޔާބުކުރި ސްޕެއިންއަކީ ވެސް މިއަހަރުގެ މުބާރާތުގައި ވާދަވެރި ޓީމުތަކުގެ ތެރޭގައި ގުނާލެވޭ ޓީމެކެވެ.
ޒުވާން، ގިނަ ކުޅުންތެރިންތަކަކާއެކު އެކުލަވާލާފައިވާ ސްޕެއިން މިއަހަރުގެ މުބާރާތަށް ނުކުންނައިރު އެންމެ ފަހުގެ ވޯލްޑް ކަޕުގައި ސްޕެއިންއަށް ދެވުނީ ގަދަ 16އާ ހަމައަށެވެ. ގަދަ 16ގައި މޮރޮކޯއިން ސްޕެއިން ބަލިކުރީ ޕެނަލްޓީ ޖަހައިގެންނެވެ.
ބާސެލޯނާގެ ތަރި ލަމީން ޔަމާލް ހިމަނައިގެން ސްޕެއިނުން އެކުލަވާލާފައިވާ ސްކޮޑުގައި ގޯލްކީޕަރު ޖޯން ގާސިއާއާއި ޑިފެންޑަރު ޕައޫ ކުބާސީ އަދި މިޑްފީލްޑަރު ފަބިއަން ރުއީޒްގެ އިތުރުން ނިކޯ ވިލިއަމްސް ވެސް ހިމެނެއެވެ. މި ޓީމަކީ ވެސް ދިވެހީންގެ ތެރޭގައި ސަޕޯޓަރުން ގިނަ ޓީމެކެވެ. އަދި ސްޕެއިން މިއަހަރުގެ މުބާރާތުގެ ޗެމްޕިއަންކަމާ އެންމެ ގާތްކުރާނެ ޓީމުތަކުގެ ތެރޭގައި ހިމެނޭކަމަށް ގިނަ ބަޔަކު ޤަބޫލުކުރެއެވެ.
ސްޕެއިން ޓީމުން މިފަހަރުގެ މުބާރާތުގައި ތަޖުރިބާކާރު ކުޅުންތެރިންނަށް އިސްކަންދިނުމުގެ ބަދަލުގައި ޒުވާން ކުޅުންތެރިންނަށް އިސްކަންދީފައިވާކަން ފާހަގަކުރެވެއެވެ. އެހެންނަމަވެސް ޓީމުގައި ތިބި ކުޅުންތެރިންނަށް ބަލާއިރު، ތަޖުރިބާކާރު ކުޅުންތެރިން ނެތްކަމުގެ ފަޅުކަމެއް ފެންނާނެ ކަމަކަށް ޤަބޫލެއް ނުކުރެވެއެވެ. ނަމަވެސް މިއަހަރުގެ ސްޕެއިން ސްކޮޑު އެކުލަވާލިއިރު ރެއާލް މެޑްރިޑުގެ އެއްވެސް ކުޅުންތެރިއަކު ހިމަނާފައިނުވާ ކަމީ ވަރަށް ގިނަ ބަޔަކު ހައިރާންކޮށްލަނިވި ކަމަކަށެވެ. މިއީ ވޯލްޑް ކަޕުގެ ތާރީޚުގައި ވެސް މިފަދަ ކަމެއް ހިނގި ފުރަތަމަ ފަހަރެވެ. ބާސެލޯނާގެ ގިނަ ތަރިންތަކެއް ހިމަނައިގެން ޓީމު އެކުލަވާލާފައި އޮތުމަކީ ޓީމަށް އައިސްފައިވާ ބޮޑު ބަދަލެެކެވެ.
މިއަހަރުގެ ވޯލްޑް ކަޕު ކާމިޔާބުކުރެވިއްޖެނަމަ ތުނބުޅިއާއި މަތިމަސް ނުކޮށާ ބަހައްޓާނެ ކަމަށް އެ ޓީމުގެ ޒުވާން ފޯވާޑް ލަމީން ޔަމާލް ވަނީ ބުނެފައެވެ.
ސްޕެއިން ވޯލްޑް ކަޕެއްގައި ފުރަތަމަ ފަހަރަށް ކުޅެފައިވަނީ 1934ވަނަ އަހަރުއެވެ. އެގޮތުން މިއަހަރުގެ ވޯލްޑް ކަޕާއެކު ޖުމްލަ 17 ވޯލްޑް ކަޕެއް ކުޅެފައިވާއިރު 2010ވަނަ އަހަރުގެ ވޯލްޑް ކަޕު ކާމިޔާބުކުރުން ފިޔަވައި ސްޕެއިނަށް އެންމެ އެކަށީގެންވާ ކާމިޔާބީތަކެއް ހޯދިފައެއްނުވެއެވެ.
ކޯޗު ލުއިސް ޑީ ލާ ފުއެންޓޭގެ އިރުޝާދުގެ ދަށުން ނުކުންނަ ސްޕެއިން އޮތީ މިއަހަރުގެ މުބާރާތުގައި "ގްރޫޕް އެޗް"ގައެވެ. އެ ގްރޫޕުގައި ސްޕެއިނުގެ އިތުރުން ހިމެނެނީ އުރުގުއާއީއާއި ސަޢޫދީ ޢަރަބިއާ އަދި ކަބޯ ވަރޑެވެ.
ސްޕެއިނުގެ ފުރަތަމަ މެޗު އޮންނާނީ ޖޫން 15ވާ ހޯމަ ދުވަހުގެރޭ (ރާއްޖެ ގަޑިން) 21:00ގައެވެ.
އިޝްތާރާ
ލިޔުމަށް ޚިޔާލު ހުށަހެޅުން