އެމްޕީއެލްގެ ސީއީއޯއަކަށް ޙުސައިން ޝަފީޤް

މޯލްޑިވްސް ޕޯޓްސް ލިމިޓެޑްގެ ބޯޑު މެންބަރުކަމުގެ މަޤާމަށާއި ޗީފް އެގްޒެކެޓިވް އޮފިސަރ އަދި މެނޭޖިންގ ޑިރެކްޓަރުކަމުގެ މަޤާމަށް އަލްފާޟިލް ޙުސައިން ޝަފީޤް ޢައްޔަންކުރައްވައިފިއެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން ވަނީ މިކަން ހާމަކޮށްފައެވެ.

ރައީސް ޑރ މުޙައްމަދު މުޢިއްޒުގެ ވެރިކަމުގެ ދައުރުގައި މި މަޤާމަށް އެންމެ ފުރަތަމަ ޢައްޔަންކުރެއްވީ ވަޖީހު އިބްރާހީމެވެ. އެއީ 2023ވަނަ އަހަރުގެ ނޮވެންބަރު މަހުގެ ތެރޭގައެވެ. ވަޖީހު އިބްރާހީމް އެ މަޤާމުން ވަކިކުރެއްވީ 2025ވަނަ އަހަރުގެ ފެބުރުވަރީ މަހުގެ ތެރޭގައެވެ. އެއަށްފަަހު އެމްޕީއެލްގެ އެމްޑީކަމަށް ވަނީ އައިޖީއެމްއެޗްގެ ކުރީގެ ސީއީއޯ މުޙައްމަދު ރިޝްވާން ޢައްޔަންކޮށްފައެވެ.

ނަމަވެސް ރިޝްވާން ވަނީ މި ހިނގާ އެޕްރީލު މަހުގެ ތެރޭގައި އެ މަޤާމުން އިސްތިއުފާދެއްވައިފައެވެ. އޭނާ އިސްތިއުފާދީފައިވަނީ ނިމިދިޔަ ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީ އަދި ޢާއްމުންގެ ފެންނަ/ނުފެންނަަ ވޯޓުން ސަރުކާރަށް ލިބުނު ނާކާމިޔާބީއަށްފަހު ގިނަ ކުންފުނިތަކެއްގެ ވެރިން މަޤާމުން އިސްތިއުފާދެމުން ދިޔަ ދަނޑިވަޅެއްގައެވެ.